ПМХЗ рационализаторлық ұсыныстар авторлары марапатталды

Павлодар мұнай химия зауытының (ПМХЗ) Инновациялық комитеті 2025 жылғы қызметкерлер бастамаларын қорытындылады. Бағдарламасы аясында кәсіпорын қызметкерлерінің 24 ұсынысы талқыланды, олардың 14-і рационализаторлық мәртебеге ие болып, өндіріске енгізуге ұсынылды.

Бұл жобалар технологиялық процестерді оңтайландыруға, энергия тиімділігін арттыруға және кәсіпорынның операциялық шығындарын азайтуға бағытталған. Өндіріс жөніндегі бас директордың орынбасары – бас инженер Ренат Саликов ең тиімді жобалардың авторларына рационализатор куәліктерін тапсырды.

Жылдың негізгі бастамалары:

Андрей Белоусов – электр энергиясы шығындарын азайту;

Олжас Сейтмуханбетов – П-101 және П-102 пештеріне отын газын беруді оңтайландыру;

Юрий Мигуля – битум өндірісін жаңғырту;

Иманхан Гасанов – ағынды суларды тасымалдау;

Якобс Сергеевс – виртуалды талдағыштарды енгізу бойынша болды.

Сондай-ақ марапатталғандар:

Рахат Сапаров – МДЭА абсорберлерінің технологиялық жағдайын мониторингілеу ұсынысы үшін;

Сергей Шубников – баяу кокстеу қондырғысындағы тұтылған мұнай өнімін өңдеуге тарту бастамасы үшін;

Сабыржан Аубакиров – баяу кокстеу қондырғысында 24 сағаттық кокстеу циклына көшу жобасы үшін.